والله ماتسوى الحياه نزعّـل الغالين

السلام عليكم ورحمة الله وبركاته

صباحكم/ مساءكم خير وشعر وذوق

قصيده اعجبتني وحبيت اشارككم فيها



إفرضــي إنّـي طلعــت وكنت متنـرفز كثـير ... ورحْت من عنـدك مْضيّـع في الأماكن والجهـات
بعد ما اشتد الخـلاف بْوضعنا واصبح مثير ... قلت: اهَـدّي.. والْعن الشيطان واطلع في سكـات

إتّجهـــت.. وسايـقٍ سيّارتي عكس المسير ... وصار لي حادث.. ومِـتّ .. وخبّروك: فلان مات
علمينـي .. عنـدهـا بالله وش ممكـن يصير؟ ... لو عرفتـي من سبب زعلتـْــك .. فارقـت الحيــاة

تلطمين خدودك .. تشقين ثوبك .. ما يضير ... دامك تلوميـــن نفســـك بعـــد ما فـــات الفــوات
ليه ماقلتي لي: إقعـد والزعل ملعــون صير ... ووالله ما تطلــع كــذا باعصـاب ما فيهـا ثبـــات

ليه خليتينـي امشي حالــتي حـــالة ضــرير ... ولاّ يعنــي كــــان حُــــبك .. حــُـب انانيّــه وذات
وليه انا من عقب كنت الشخص الاول والاخير ... في حـياتك وبسهــوله صــــرت مثل الذكـــريات

والله انْ تبطين وانتي ما على شفـّتـْـك غير ... إسمي المكتـــوب ضمـــن اوراق تقـرير الوفــاة
تندميـن العمـر كله .. أو .. يأنّـبْـك الضمير ... ما افـْرقــَت.. مادمْت ماضي في ملفّاتـك .. وفات

بس يبقى ذنبي برْقبْـتك وانا الصبّ الأسير ... اللي كبّــلني غرامــك .. والوفـــا .. والتضحيـات
جرّبي الدنيا بدوني كيـــف واقعـــها مرير ... وكيف لا عزّوك فيني وصرت قدامــك .. رفـــات

تدركين بْوقتها معنـى العبــوس القمطـرير ... وتشعــرين انّك يتيمـة أهــل واخــوان وخـــوات
وتذكريني.. تذكرين الشعر.. وانسام العبير ... والعطر.. والورْد .. والْبوم الصور .. والأغنيات

والسوالف.. والسهر .. واهْـداءنا عبر الأثير ... والإضاءه الخافتـه .. والليل .. واحـلى الأمنيـات
والرسايل.. والشموع اللي في مأوانا تنيـر ... والكروت العاطفيّه .. والكُـتب .. والملْــزمـات

والهدايا من قطـعْ ألمـاس وعْطـور وحرير ... والأثــاث اللي خــذا حُــمـْرتـْه من لــون الشفـــاة
والبحر والصيف والشّاليه واللبس القصير ... والشتــا .. واحضــانك اللي غير كـل المِـدْفــئات

والإجــازه والسفر والعيــد والمطـر الغزير ... والمقاهي .. والمطاعم .. والطرق .. والتمشيات
واسمي اللي مخزّن بْجوالك الباندا الصغير ... "أجمل الإحســاس".. لكن .. مات يا سِتّ البنات

ذكريات تْحاصـرك من كل صـوب وتستثير ... دمعتـــك في كل غمضــه.. وانتبــاه .. وإلتـفات
عن حكاية حُبّ في هالوقت منقطـع النظير ... حُب يكـْرم عن ردى الشهوه .. وألسِنـْـة الوشـاة

حُب مدري ويش بكتب عنه؟ .. لكنه كبيــر ... أكبر من احســاس أصدق شاب معْ أوفى فتـــاة
بس .. لا تبكيـن .. يبقــى كـل ماقلتـه نـذير ... وافتـــراض لكـــل مايمكـــن حدوثــه لي .. وآت

لجل ذلك فكّري وش هي النهايه والمصير؟ ... كلها حفـــره وجَـمْـع وتعـزيَـه.. عقب الصـلاة
والله ماتسوى الحياه نزعّـل الغالين .. مير ... ساعة الضيق يتعكّــر صفـْــو الانفـــس والذوات

ليش اجل ما نستغلّ الوقــت دام احْنـا بخير ... وليش مــا نرضـــي حبايبـــنا .. ويلتـمّ الشــتات
يعني لازم ننـــتظر؟ والواقـــع أيامـه تطير ... واحْنا ما نـــدري نبــات الليـل .. ولاّ .. مـا نبات

العشير .. اصلاً يحـز بنفســه يزعّـل عشير ... الله اكبـــر .. كيـف ما حـزّت بنفســك هالسـوات
يوم شفتيني طلعت ووضعي النفسي خطير ... وقتها .. اشدرّاك يمكـن موتــتي حـانت وجـــات

فاحرصي دايم عليّ .. ولا تغيظيني كثيــر ... واذكــري دايم شعــورك لا دريتي وقيــل: مــات



للشاعر : محمد الشهري

يا حراكات مبدعه دئما يسلمووووووووووو ياالغلا على الموضوع

مرورك الاجمل يسلموو عالمرور